Política de privacidade
Este texto ofrécese en castelán e en galego. En caso de discrepancia entre as dúas versións, prevalece a castelá.
En Myolos Consultoría y Diseño Web S.L. tratamos os seus datos persoais de acordo co Regulamento (UE) 2016/679, xeral de protección de datos (RGPD), e a Lei orgánica 3/2018, de protección de datos persoais e garantía dos dereitos dixitais. Esta política explica que datos tratamos, para que e que dereitos ten.
1. Quen é o responsable do tratamento dos seus datos?
- Responsable: Myolos Consultoría y Diseño Web S.L. (Crelia)
- NIF: B72594716
- Domicilio: Rúa Cunchido de Abaixo, 44, 36940 Cangas (Pontevedra)
- Contacto para protección de datos: privacidad@crelia.es
Myolos non está obrigada a designar un delegado de protección de datos e non o designou.
2. Con que finalidade tratamos os seus datos persoais?
Tratamos os seus datos para as seguintes finalidades, segundo a súa relación con nós:
- Solicitudes de revisión gratuíta e consultas. Se nos pide unha revisión gratuíta desde o formulario da web ou nos escribe, tratamos os seus datos para contactar con vostede, concertar a revisión e atender a súa petición. A solicitude gárdase na web e chega por correo electrónico ao noso buzón.
- Revisión gratuíta no seu establecemento. Se recibe a revisión, tratamos os datos da súa empresa e do seu local, os seus datos de contacto e a acta da revisión para facela, entregarlle a acta e, se nolo pide, preparar a súa conta e a súa proposta de servizo.
- Xestión de clientes. Se é cliente, ou representa un cliente ou é a súa persoa de contacto, tratamos os seus datos para formalizar e cumprir o contrato, deixar constancia da súa aceptación, facturar e cobrar, e comunicarnos con vostede sobre o servizo.
- Acceso á área de clientes. Se usa a área como titular, coadministrador ou asesor, tratamos os seus datos para darlle un acceso seguro e avisalo do que ocorre no servizo. Se é un asesor externo, tamén para xestionar as súas condicións de uso.
- Seguridade da web e da área de clientes. Tratamos os datos técnicos da súa conexión para protexer a web e a área, detectar e frear accesos indebidos e ataques, e corrixir fallos.
- Atención dos seus dereitos. Se exerce os seus dereitos, tratamos os datos da súa solicitude para atendela e poder acreditar que o fixemos.
Non tomamos decisións automatizadas nin elaboramos perfís.
3. Que datos tratamos?
| Finalidade | Datos |
|---|---|
| Solicitudes e consultas | Nome, correo electrónico, nome do establecemento e concello; teléfono e mensaxe, se os facilita; idioma; versión desta política que se lle mostrou e data. Non gardamos o seu enderezo IP nin o seu navegador coa solicitude |
| Revisión gratuíta | Datos da empresa e do local, os seus datos de contacto e a acta |
| Xestión de clientes | Datos identificativos e de contacto, cargo ou representación, NIF e domicilio de facturación, plan e datas do contrato, rexistro de aceptación das condicións (usuario, data, versión de cada texto e unha pegada cifrada da orixe da conexión), facturas, pagamentos e comunicacións |
| Acceso á área | Nome, nome de usuario, correo electrónico, contrasinal (cifrado de forma irreversible), métodos de segundo factor e avisos do servizo |
| Seguridade | Intentos de entrada (usuario escrito, pegada cifrada da orixe, resultado e momento), rexistros do servidor (enderezo IP, data, enderezo solicitado e navegador), rexistro de erros (sen os valores que conteñen) e rexistro das accións da administración |
| Dereitos | Datos da solicitude, comprobación de identidade e resposta |
No formulario, os datos obrigatorios están sinalados: sen eles non podemos atender a súa solicitude.
4. Cal é a lexitimación para o tratamento dos seus datos?
- Solicitudes, revisión gratuíta e preparación da conta: a aplicación, por petición de vostede, de medidas previas a un posible contrato (art. 6.1.b do RGPD). Se actúa en nome dunha empresa, o noso interese lexítimo en atender a súa petición e manter a relación con esa empresa (art. 6.1.f do RGPD e art. 19 da Lei orgánica 3/2018). Se nos escribe por correo, o noso interese lexítimo en responderlle.
- Xestión de clientes: a execución do contrato, se o cliente é vostede (art. 6.1.b); o noso interese lexítimo en manter a relación coa empresa que representa (art. 6.1.f e art. 19 da Lei orgánica 3/2018); e o cumprimento de obrigas contables e fiscais (art. 6.1.c).
- Acceso á área de clientes: a execución do contrato ou das condicións de uso que aceptou (art. 6.1.b) ou, se actúa por unha empresa, o noso interese lexítimo (art. 6.1.f e art. 19 da Lei orgánica 3/2018).
- Seguridade: o noso interese lexítimo en garantir a seguridade da rede e da información (art. 6.1.f e considerando 49 do RGPD).
- Atención de dereitos: o cumprimento dunha obriga legal (art. 6.1.c).
5. Por canto tempo conservaremos os seus datos?
| Datos | Prazo |
|---|---|
| Solicitudes e consultas | 12 meses desde a nosa última comunicación; a copia do buzón, 12 meses desde a súa recepción. Se se fai cliente, pasan á xestión de clientes |
| Revisión gratuíta | Se non contrata, 12 meses desde a nosa última comunicación. Se contrata, pasan á súa conta |
| Xestión de clientes | Mentres dure o contrato e, despois, 6 anos (art. 30 do Código de comercio) |
| Acceso á área | Mentres teña usuario; despois, bloqueados durante 3 anos por se houbese que responder de algo, e logo anónimos |
| Seguridade | Intentos de entrada, 24 horas; rexistros do servidor, 90 días; rexistro de erros, 12 meses; accións da administración, 365 días. O que forme parte da investigación dun incidente, ata o seu peche |
| Dereitos | 3 anos desde a resposta |
6. A que destinatarios se comunicarán os seus datos?
Non cedemos os seus datos a terceiros, salvo obriga legal: á Administración Tributaria, a xulgados e tribunais ou a outras autoridades competentes.
Teñen acceso a eles, por conta de Myolos e cun contrato de encargo do tratamento, os nosos provedores de aloxamento, de correo electrónico e de copias de seguridade: [nome de cada un].
Asesores de seguridade alimentaria. Myolos non comunica aos asesores os datos dos que é responsable. Cando un cliente dá acceso á súa conta a un asesor, sexa un técnico de Crelia ou doutra asesoría, o asesor ve os datos desa conta por decisión do cliente, que é o seu responsable (apartado 8).
Se vostede é asesor, os titulares das contas ás que ten acceso ven o seu nome e as consultas e descargas que fai nelas. É parte das condicións de uso que aceptou e permite a cada cliente saber quen accede á súa documentación.
7. Transfírense datos a terceiros países?
[Non se realizan transferencias de datos fóra do Espazo Económico Europeo.] [Se un provedor as fixese: a que país e con que garantía.]
8. Datos que os clientes gardan na área de clientes
A documentación de seguridade alimentaria de cada local, as fichas do seu persoal, as persoas usuarias de cada conta e o que fan nela son datos do cliente. Myolos trátaos por conta do cliente, como encargada do tratamento e cun contrato de encargo. O responsable deses datos é o cliente: se traballa para un cliente de Crelia, a súa empresa informaralle dese tratamento, e é ante ela onde pode exercer os seus dereitos. Se nos dirixe a súa solicitude, trasladarémoslla.
9. Cales son os seus dereitos cando nos facilita os seus datos?
Ten dereito a:
- acceder aos seus datos persoais;
- solicitar a súa rectificación ou, de ser o caso, a súa supresión;
- solicitar a limitación do seu tratamento;
- opoñerse ao seu tratamento;
- solicitar a súa portabilidade.
Pode exercelos escribindo a privacidad@crelia.es ou ao noso domicilio. Responderémoslle no prazo dun mes, que poderá ampliarse en dous meses máis se a solicitude é complexa, e comunicarémosllo. Se non podemos comprobar a súa identidade, pedirémoslle a información necesaria.
Se considera que non atendemos debidamente a súa solicitude, pode presentar unha reclamación ante a Axencia Española de Protección de Datos (www.aepd.es).
10. Seguridade
Aplicamos medidas técnicas e organizativas adecuadas ao risco para protexer os seus datos.
11. Cambios nesta política
Podemos modificar esta política para adaptala a cambios legais ou do servizo. A versión vixente é a publicada nesta páxina, coa súa data, e cada solicitude garda a versión que se mostrou a quen a enviou. Se imos tratar os seus datos para unha finalidade nova, comunicarémosllo antes.
Última actualización: 16 de novembro de 2026. Versión 1.0.